Нүүрний эзэлхүүн багассан болон үрчлээ ихтэй хэсгүүдэд биед амархан шимэгддэг гиалуроны хүчил (hyaluronic acid)-ийн найрлагатай филлерийг тарьж, эзэлхүүн нэмэгдүүлэх болон үрчлээг багасгах үйлчилгээ юм. Ихэвчлэн дух, хамар, хацар, хацрын гуу, нүдний доогуур, эрүүний үзүүр зэрэг хэсгүүдэд хийж, илүү залуу, цоглог харагдах үр дүнтэй.

- Хялбар, хурдан хийгдэх эмчилгээ - Төрөл бүрийн хэсэгт эмчилгээ хийх боломжтой - Асуудалд нь тохируулан хийх боломжтой - Үйлчилгээний дараа шууд хэвийн амьдралдаа орох боломжтой

Q : Филлерийг хэр давтамжтай хийлгэхийг зөвлөдөг вэ? A : Бүтээгдэхүүнээс шалтгаалан үйлилгээгээ барих хугацаа өөр байдаг. Ерөнхийдөө дотоодын (солонгос) филлер нь 6–12 сар орчим, гадаад филлер нь 12–18 сар хүртэл үйлчилгээгээ барьдаг.

- Хонхойж орсон хэсгээ дүүргэж залуухан төрхтэй болхийг хүсэж байгаа хүмүүст - Намхан хамрын нуруу, унжсан хамрын үзүүр болон монхор хамар гэх мэт асуудлаа шийдэхийг хүсдэг хүмүүст - Энгийн хялбар эмчилгээгээр зөв нүүрний хэлбэртэй болхийг хүсдэг хүмүүст - Баталгаатай бүтээгдэхүүн, зөв зохистой хэмжээний дагуу найдвартай эмчилгээ хийлгэхийг хүсдэг хүмүүст

- Үйлчилгээний дараа 3–7 хоногийн хугацаанд архи согтууруулах ундааг хэтрүүлэн хэрэглэх, саун, халуун усанд орох зэргээс аль болох зайлсхийхийг зөвлөж байна.
- Үрэвслээс сэргийлэх, өвдөлтийг багасгахын тулд эмчийн бичиж өгсөн эмийг 3 хоногийн турш тогтмол ууна уу. Хэрэв антибиотикийн харшил зэрэг өмнөх өвчний түүхтэй бол заавал урьдчилан мэдэгдэнэ үү.
- Хөхрөлт, хаван, өвдөлт, гадны биет мэдрэгдэх зэрэг шинж илэрч болох ч ихэнх тохиолдолд 1–2 долоо хоногийн дотор аажмаар намддаг.
- Гэвч эмийг уусны дараа ч өвдөлт нэмэгдэх, арьсны өнгө өөрчлөгдөх, эмчилгээ хийсэн хэсэгт цэврүү гарах, загатнах, халуун оргих мэдрэмж удаан үргэлжлэх тохиолдолд эмнэлэгтэй яаралтай холбогдож, дахин үзүүлнэ үү.
- Тухайн хэсэгт хүчтэй дарснаас болж хэлбэр өөрчлөгдөх эрсдэлтэй тул 2–3 долоо хоногийн турш үйлчилгээ хийсэн хэсгийг дарж шахахаас болгоомжилно уу.
(Жишээ: малгай өмсөх, хажуу талаараа эсвэл доошоо харж унтах, нүдний шил зүүх, хэт авиан/радио долгионы аппаратын эмчилгээ, нүүрний бариа массаж зэргээс зайлсхийх)